გამარჯობა, იმედია Rooms Hotel Tbilisi-ში კარგ დროს ატარებთ. ხანდახან, დასვენების დროსაც კი გვჭირდება ისეთი ადგილი, სადაც კონცენტრირებას და რამდენიმე საათით კომფორტულად მუშაობას შევძლებთ. სწორედ ამიტომ შექმნა აჭარა ჯგუფმა დ ბლოკი - კოლაბორაციული სამუშაო სივრცე სტამბაში.

სასტუმრო სტამბის შენობის ერთ-ერთი ცენტრალური ნაწილი არქიტექტურულ გეგმაზე აღინიშნებოდა როგორც „ბლოკი დ“ და აქედან მოდის სამუშაო სივრცის სახელიც; აქვე შეიქმნა პირველი შემოქმედებითი ეკოსისტემები, როგორიცაა: თბილისის ფოტოგრაფიისა და მულტიმედია მუზეუმი, კაფე სტამბა, The Shop და ბოლოს - დ ბლოკი.

კომპანია მომხმარებელს სამუშაო სივრცეებს, ოფისებსა და პროდუქტიულობაზე ორიენტირებულ გარემოს სთავაზობს. ერგონომიული ავეჯი, კომფორტული მაგიდები, განათება და გამოცდილების სხვა ელემენტები კონცენტრაციისა და შემოქმედებითობის გაძლიერებაზეა გათვლილი. დ ბლოკი მომხმარებლებს როგორც ინდივიდუალურ, ისე გუნდებზე გათვლილ საწევროებს სთავაზობს.