დღეს ხელოვნური ინტელექტი ნებისმიერი სფეროს განუყოფელი ნაწილია, რადგან, ავტომატიზაციის საშუალებით, შესრულებული სამუშაოს ეფექტურობასა და სიზუსტეს ზრდის, ხოლო ადამიანური ძალისხმევის საჭიროებას ამცირებს. ჩვენს საერთო სამუშაო სივრცეში ბევრია კრეატიულ და ტექ სფეროში დასაქმებული. სწორედ ამ მიმართულებებისთვისაა განსაკუთრებით გამოსადეგი AI. ამიტომ გადავწყვიტეთ, რომ ჩვენი წევრებისთვის შეგვეთავაზებინა ის საჭირო ხელსაწყოები, რომლებიც საქმიანობას გაუმარტივებთ. დღევანდელ ბლოგში თავი მოვუყარეთ იმ AI პლატფორმების მოკლე სიას, რომლებსაც ყველაზე დიდ რეკომენდაციას უწევენ თავად მომხმარებლები.
როგორ ამარტივებს ხელოვნური ინტელექტი ყოველდღიურ სამუშაოს
ბევრი წარმატებული კომპანია ხელოვნურ ინტელექტს უკვე აქტიურად, ყოველდღიურ საქმიანობაში იყენებს. პირველ რიგში, ამის მიზეზია დროის დაზოგვა და პროდუქტიულობის გაზრდა. თუმცა მისი შესაძლებლობები მხოლოდ ამით არ შემოიფარგლება. ის ეფექტიანობასა და ხარისხს ზრდის, ხოლო შეცდომებს ამცირებს. AI ბევრად მეტ სივრცეს გიტოვებთ იყოთ კრეატიულები და უფრო მნიშვნელოვან დავალებებს დაუთმოთ დრო.
ამასთან ერთად, ხელოვნური ინტელექტის კომპეტენცია ბევრ სხვადასხვა დარგზე ვრცელდება და თითოეულისთვის განსხვავებული ხელსაწყო არსებობს. ის შეიძლება გამოიყენოთ შეხვედრების დასაგეგმად, ვრცელი დოკუმენტების შესაჯამებლად და მონაცემების დასამუშავებლად. მისი მონაცემთა ანალიზის უნარი ბიზნესს აძლევს საშუალებას, სწრაფად ამოიცნოს ტენდენციები, შედეგები იწინასწარმეტყველოს და უფრო ინფორმირებული გადაწყვეტილებები მიიღოს.
AI დღეს უკვე შემოქმედებითი საქმიანობებისთვისაც გამოიყენება. სხვადასხვა პლატფორმა დაგეხმარებათ შთაგონების პოვნაში, მითითებების შესაბამისად ტექსტის დაწერაში, ვიზუალური გამოსახულებებისა და მუსიკალური კომპოზიციების შექმნასა და პრეზენტაციების მომზადებაში.
ტოპ 10 AI ხელსაწყო სხვადასხვა პროფესიისთვის
არ აქვს მნიშვნელობა, რომელ სფეროში მუშაობ, სწორი AI ხელსაწყო აუცილებლად დაგეხმარება საქმის უკეთ კეთებაში. გთავაზობთ, მარტივად გამოყენებად AI პლატფორმებს, რომლებიც სხვადასხვა საქმიანობაში დაგეხმარებათ.
1. ChatGPT
ChatGPT არის მრავალფუნქციური AI ასისტენტი, რომელიც წამებში აგენერირებს ტექსტს, პასუხობს კითხვებს და გეხმარებათ იდეების მოფიქრებაში. იდეალურია წერისთვის, კვლევისთვის და კლიენტებთან კომუნიკაციისთვის, რაც მას სხვადასხვა პროფესიისთვის სასარგებლოს ხდის.
2. MidJourney
MidJourney თქვენი მითითებების მიხედვით მაღალი ხარისხის, არტისტულ გამოსახულებებს ქმნის. საუკეთესოა, დიზაინერებისა და მარკეტოლოგებისთვის, რადგან იდეების სწრაფ ვიზუალიზაციაში ეხმარებათ.
3. SlidesAI.io
SlidesAI.io ტექსტს რამდენიმე წუთში აქცევს პროფესიონალურ პრეზენტაციად. იდეალურია მენეჯერებისთვის, პედაგოგებისა და მარკეტოლოგებისთვის, რომლებსაც სურთ სწრაფად მოამზადონ ხარისხიანი სლაიდები.
4. Replit
Replit არის ონლაინ კოდირების პლატფორმა, რომელიც პროგრამული პროექტების მყისიერ შექმნას, ტესტირებასა და გაშვებას უზრუნველყოფს. ჩაშენებული AI ასისტენტის წყალობით, ის დამწყებებს სწავლებაში ეხმარება, ხოლო პროფესიონალებს განვითარებაში.
5. Syllaby.io
Syllaby.io სოციალური მედიის მენეჯერებსა და კონტენტის შემქმნელებს ეხმარება პოსტების დაგეგმვაში, შექმნასა და განთავსებაში. ის კონტენტის შექმნის პროცესს ამარტივებს და თანმიმდევრულს ხდის.
6. Soundraw.io
Soundraw.io ქმნის ორიგინალურ მუსიკას სასურველი განწყობისა და ხანგრძლივობის მიხედვით. ეს ვიდეო ედითორებს, მათ, ვისაც საკუთარი პოდკასტერები აქვთ და ზოგადად, ყველას, ვისაც სჭირდება პერსონალიზებული აუდიოტრეკები დროის დაზოგვაში ეხმარება
7. Fliki.ai
Fliki სულ რამდენიმე დაწკაპუნებით წერილობით ტექსტს ვიდეოდ აქცევს. მეტიც, ვიდეოს რეალურთან მაქსიმალურად მიახლოებული აუდიო ახლავს თან. ეს ხელსაწყო იდეალურია ბლოგერებისთვის, კონტენტ კრეატორებისა და მარკეტოლოგებისთვის, რომლებსაც წერილობითი მასალის ვიდეო კონტენტად გარდაქმნა სურთ.
8. PicWish.com
PicWish ფოტოებს სწრაფად აშორებს ფონს და მარტივი რედაქტირების ინსტრუმენტებით აუმჯობესებს გამოსახულებებს. შესანიშნავია ონლაინ-მაღაზიებისთვის, დიზაინერებისა და ფოტოგრაფებისთვის, რომლებსაც ვიზუალების მომზადება მოკლე დროში სჭირდებათ.
9. Grammarly
Grammarly ამოწმებს ტექსტის გრამატიკას, მართლწერასა და სისწორეს. ასევე მომხმარებელს სიტყვათა წყობის გასაუმჯობესებელ რეკომენდაციებს სთავაზობს. ეს არის აუცილებელი ინსტრუმენტი სტუდენტებისთვის, ნებისმიერი ადამიანისთვის, ვინც წერს და ტექსტებთან რაიმე სახის შეხება აქვს.
10. Notion AI
Notion-ის აპლიკაციაში AI ასისტენტი გეხმარებათ შენიშვნების, პროექტებისა და იდეების სტრუქტურირებულად და მარტივად მართვაში. საუკეთესოა პროექტების მენეჯმენტისთვის, კონტენტის დაგეგმვისთვის და აშ.
ადამიანის ჩანაცვლება და ეთიკურობა
მიუხედავად იმისა, რომ ხელოვნური ინტელექტი ყოველწლიურად უფრო და უფრო ვითარდება, ნაკლებად სავარაუდოა, სრულად ჩაანაცვლოს ადამიანები უმეტეს პროფესიებში, რადგან მას არ აქვს ემოციური ინტელექტი, კრეატიულობა და ეთიკური განსჯის უნარი. AI ყველაზე ეფექტურად პარტნიორის როლში მუშაობს. ის ასრულებს განმეორებად და დროის მფლანგველ ამოცანებს, რაც ადამიანებს აძლევს შესაძლებლობას ყურადღება უფრო მნიშვნელოვან დავალებებს მიაქციონ. ყოველდღიურ საქმიანობაში ხელოვნური ინტელექტის გამოყენება მისაღებია, თუ გამჭვირვალედ და პირადი მონაცემებისა და ინტელექტუალური საკუთრების მიმართ პატივისცემით გამოიყენება. ასე AI ადამიანის შესაძლებლობების გამაძლიერებელი გახდება და არა ჩამნაცვლებელი, რაც მას ინდივიდებისა და ორგანიზაციებისთვის ფასდაუდებელ ინსტრუმენტად აქცევს.
შეჯამება
AI ციფრული საქმიანობის განუყოფელ ნაწილად იქცა. მისი გამოყენება საქმიანობას ამარტივებს, დროის დაზოგვაში გვეხმარება, ეფექტიანობას ზრდის და შეცდომებისგან გვაზღვევს. ნებისმიერი სფეროსთვის არსებობს შესაფერისი AI პლატფორმა. სწორად შერჩეული აპლიკაციით კი საქმეს გაიმარტივებთ. D block-ის სივრცეში კონკრეტულად AI-ის მიმართულებით ბევრი მუშაობს და ინდივიდუალური რჩევებისთვის შეგიძლიათ თქვენს გვერდზე მჯდომს მიმართოთ.